Kəpəz Üzlük Suvağı
Boyanma işlərindən və divar kağızlarının yapışdırılmasından öncə divar və tavanların suvanması məqsədilə istifadə edilən gips əsaslı tikinti materialı
Material haqqında
Kəpəz üzlük suvağı astar suvağının divar və ya tavana vurulub cilalanmasından sonra tətbiq edilir.
Tətbiq sahələri
Ofis, villa, xəstəxana, otel, istirahət və yaşayış komplekslərində daxili məkanlarda, divar və tavanlarda
Üstünlükləri
Materialın ağ rəngli olması boyanma işlərini asanlaşdırır
Tozlanmır, bu səbəbdən üzərinə vurulan boya və divar kağızının ömrü uzun olur
Yüksək müqavimət gücünə malikdir
Asan cilalanır, demək olar ki, cilalanmadan hamar səth efffekti verir
Üzərində boya və divar kağızı işləri asanlıqla həyata keçirilir
Divarların rütubət balansını tənzimləyir, nəticədə divar nəfəs alır
Çatlamır, kiflənmir, bakteriyaların yayılmasına şərait yaratmır
İstiliyi qoruyur və səs izolyasiyası yaradır
Tərkibində su olduğundan yanğın geecikdirmə xüsusiyyətinə malikdir, yanğına qarşı dayanıqlıdır
Səth hazırlığı
Materialın istifadə edilə biləcəyi ən aşağı hava temperaturu +5̊ C təşkil edir. Tətbiq olunan sahə müxtəlif çirklənmələrdən (toz qatından, sürtkü yağı ləkələrindən, köhnə boyalardan) təmizlənməlidir. Yüksək hava temperaturu, hava quraqlığı şəraitində və səthin normadan artıq quru olduğu hallarda divar və ya tavan səthinin nəmləndirilməsi tövsiyyə olunur.
Qarışdırma
1 kq quru qarışıq 0,65 litr təmiz suda həll olunur. Alınan məhlulu tam tərkib alana qədər suya aramla səpilməli, 2-3 dəqiqə ərzində suyun quru qarışığa hopması gözlənilməlidir. Sonra məhlul mexaniki və ya əl üsulu ilə homogen vəziyyət alana qədər qarışdırılaraq hazır vəziyyətə gətirilməlidir.
Tətbiq qaydası
Qarışıq sərt süngər mala və ya kauçuk mala ilə səthə diaqonal hərəkətlərlə vurulur. Normadan artıq isti havalarda və su çəkici səthlərlə qarışıq (suvaq) tərkibindəki suyu tez itirdiyindən səthdə çatların yaranmaması üçün tətbiqə başlamazdan öncə suvanacaq səth islaq süngər ilə yüngülcə nəmləndirilə bilər. Üzlük suvağı divar səthinə bir və ya bir neçə qat çəkilə bilər.
Saxlama şəraiti
Suvaq materiallarını ağzı möhkəm bağlı saz taralarda, 0̊ C dərəcədən yüksək temperaturda quru hava şəraitində saxlamaq tövsiyyə edilir.
Texniki xüsusiyyətləri
Fiziki görünüşü – Ağ toz
1 kq “Kəpəz Alçı” üçün 0,36-0,38 litr su istifadə olunur.
30 kq-lıq bir kisə üçün 20-21 litr su kifayətdir.
Alçı/su nisbəti : 100 qr alçı/65 qr su
İstifadə müddəti : 80-120 dəqiqə
Donma müddəti : 180-240 dəqiqə
Istifadə miqdarı : Alçı üzlük üstünə, 0,8-1,1 kq/m2
Alçı plaka üstünə, 0,08- 0,10 kq/ m2
Sıxılma müqaviməti : > 4 N/ mm2 (7 gün sonra)
Əyilmə müqaviməti : > 2 N/ mm2 (7 gün sonra)
Həcm çəkisi : 600-700 qr/ lt
Dənə ölçüsü : 45 ч üzəri % 9-15 160 ч üzəri % 0
Səth sərtliyi : 40 shore D